-
Bild 1 von 2. La centrala existenta da l'ovra Val Giuv. Bildquelle: energia alpina.
-
Bild 2 von 2. La turbina cun il generatur en la centrala. Bildquelle: energia alpina.
Sco proxim decida il pievel tuatschin a l’urna davart la dumonda da concessiun e la finala sto era la regenza grischuna dà glisch verda al project.
L’idea è d’amplifitgar l’ovra Val Giuv cun in’ulteriura ovra che duai utilisar ina part da l’aua da la Val Mila. Per quest intent duai ina lingia da pressiun nova da 2.2 km vegnir construida. Il project preveda da nov era aua restanta per la tschiffada actuala en Val Giuv. Minimalmain 70 l/s (20%) ston cular en l’ual.
Cun la nova ovra po l’energia alpina augmentar la producziun d’energia da 5.6 a ca. 9.8 milliuns uras kilowat. Ils custs d’investiziun muntan a ca. 11.5 milliuns francs.
Schanzas e ristgas
En il messadi per il cussegl da vischnanca da Tujetsch statti scrit tranter auter :
Il project ha schanzas, perquai ch’el garantescha ina rendita segira e la pussaivladad d’amortisar las investiziuns a curta vista. Perquai che la Val Giuv surevgn aua restanta saja quai in’ impurtanta revitalisaziun dal spazi da viver per peschs ed auters animals. E cun tschiffar l’aua da la Val Mila datti fin mez december dapli aua per ils indrizs da far naiv.
Tscherta reducziun dal spazi da viver
Las ristgas èn ch’il project na saja betg rentabel economicamain pervia da las pretensiuns fitg autas da las organisaziuns da l’ambient e da l’uffizi chantunal per natira ed ambient. Perquai che l’aua da la Val Mila vegn tschiffada muntia quai ina tscherta reducziun dal spazi da viver. E per ils indrizs da far naiv stettia pli pac aua a disposiziun a partir da mez december.
RR novitads 06:00