La via Fletg maina tras ina zona da protecziun che sa chatta en la zona S1, quai munta la pli auta protecziun per l'aua e la fin per quella via.
Quella via na vul il chantun betg persequitar vinavant. Ussa va i tranter las duas variantas che restan, la via Sorts e la pli nova proposta Via Pleun Larisch.
Per Sagogn sez munta la varianta via Sorts che tut il trafic vegn entadim il vitg e sto traversar l'entir vitg. Las vias stretgas entadim il vitg da Sagogn ston uschia dumagnar il dubel traffic.
La nova varianta Via Pleun Larisch sbucca da surengiu amez il vitg da Sagogn ed il traffic vegn uschia spartì, pia mo la mesadad sin mintga vart dal vitg. Quai in grond avantatg da quella varianta. Hans Peter Casutt, il president da vischnanca, preferiss per quai motiv era plitost quella varianta. Igl è dentant memia baud da decider, manegia el, perquai che la via Pleun Larisch na datti anc betg sco project cun ils fatgs e detagls. Quel vegn pir elaborà.
Proximamain vegnan preschentadas la duas variantas che restan a la populaziun, numnadamain la via Sorts e la via Pleun Larisch. Tar omaduas variantas sa tracti da l'access a la via principala, H19 via Sursilvana.
RR actualitad 06:00