-
Bild 1 von 10. In mir quasi sco il Mir chinais. Bildquelle: RTR, Gionduri Maissen.
-
Bild 2 von 10. La vista en la val dal plaz da lavur dals emprendists. Bildquelle: RTR, Gionduri Maissen.
-
Bild 3 von 10. Ina part dal mir sitg sin l'alp Nagens. Bildquelle: RTR, Gionduri Maissen.
-
Bild 4 von 10. Ils emprendists lavuran mintgamai en gruppas. Bildquelle: RTR, Gionduri Maissen.
-
Bild 5 von 10. Nua ch'il mir n'è anc betg restaurà sto vegnir fatg ina saiv per il muvel. Bildquelle: RTR, Gionduri Maissen.
-
Bild 6 von 10. Parts dal mir ston anc vegnir restauradas. Bildquelle: RTR, Gionduri Maissen.
-
Bild 7 von 10. En ina part ha il mir stuì vegnir construì da nov, suren vesan ins parts dal mir vegl. Bildquelle: RTR, Gionduri Maissen.
-
Bild 8 von 10. Era las vatgas han plaschair vida il mir..... Bildquelle: RTR, Gionduri Maissen.
-
Bild 9 von 10. ...ed ellas nizzegian era il mir. Bildquelle: RTR, Gionduri Maissen.
-
Bild 10 von 10. Ils participants da l'emna sociala da l'interpresa Implenia si l'alp Nagens. Bildquelle: RTR, Erwin Ardüser.
Ina emna lavuran ils emprendists da l'interpresa da construcziun Implenia per la Pro Laax e renoveschan ils mirs sitgs sin l'Alp Nagens. En tut èn 40 emprendistas ed emprendists dal segund onn d'emprendissadi ord l'entira Svizra da la partida, ha la manadra dals emprendists Valérie Frede ditg. Il motto dal camp social da quest onn è «crap sin crap». In mir sitg consistia ord da crappa ed il motto mussia bain che pass per pass creschia il mir, communabel cun la communitad, scriva l'interpresa.
Far experientschas d'ina tecnica veglia
Per ils emprendists saja quai era ina experientscha d'emprender ina tecnica da far mirs veglia, nua che ni maulta ni cement vegnan duvrads per la construcziun, declera l'expert da mirs sitgs Mathias Götsch. Pli baud avant 140 onns cura ch'il mir saja vegnì construì na devi naginas maschinas per transportar la crappa en il lieu, uschia ch'ils lavurers hajan nizzegià la crappa dal conturn ed uschia evità transports cun animals si da la val, raquinta Götsch.
Il di dad oz na possian ins betg pli imaginar tge lavur stentusa che quai saja stà da construir mirs d'ina lunghezza da radund 1'200 meters. Per mintga meter mir dovria quai in meter cubic crappa, uschia che per l’entir mir hajan ins duvrà radund 1’200 meters cubic crappa, di Götsch.
RR actualitad 17:00