Siglir tar il cuntegn

Header

Sis persunas che stattan en pe cun in cuppin sco regal en maun.
Legenda: Da sanester a dretga: Clau Maissen, Marlis Caduff, Urs Gautschi, Lucas Janka, Plazi Giusep Cadruvi, Meinrad Cadruvi CDM
cuntegn

Surselva Novs campiuns da troccas

Lucas Janka ed Urs Gautschi da Trun èn ils novs campiuns grischuns da troccas.

Vicecampiuns èn Marlis Caduff e Clau Maissen da Danis/Tavanasa. Il terz rang è ì a Plazi Giusep Cadruvi e Meinrad Cadruvi da Falera/Ruschein.

15avla ediziun

Ils 15avels campiunadis grischuns da troccas èn stads ils 11 e 12 da schaner en la sala da gimnastica a Rueun. La sonda è la runda da qualificaziun vegnida giugada e la dumengia lura la runda finala, per la quala trais quarts dals participants èn sa qualifitgads. Il final è vegnì giugà tenor il sistem da ko. En tut èn 116 persunas en 58 teams stadas da la partida al turnier.

Tgirar la tradiziun

Sco l’Uniun grischuna da troccas scriva en ina communicaziun, vul ella, cun ils campiunadis grischuns da troccas, tgirar e promover la tradiziun da quest gieu fitg cumplex ed interessant, che è era fitg impurtant per la lingua e la cultura rumantscha.

RTR novitads 20:00

Dapli da Surselvaavrir la Landingpage

Nach links scrollen Nach rechts scrollen