Schluein/Glion encunter la naziunala da l'Austria vegn emess direct e quai durant il meglier temp per la televisiun davent da las 17:30 fin bunamain las 20:00.
Er quai n'è nagin problem pervia da l’euforia per il ballape che regia en l'Austria, argumentescha Martin Krischke, il manader da producziun per quest'emissiun. In gieu amicabel, in gieu da test, dentant segir betg in gieu da grond'impurtanza per ils Austriacs. Tant tar ils fatgs e l'idea da realisar quai gieu amicabel.
Dus camiuns plain tecnica
Las dimensiuns tecnicas per rapportar ord la provinza svizra èn immensas. L'entir'infrastructura per ina tal'emissiun sto vegnir transportada sin il plaz davent da Vienna a Schluein. I vegn lavurà cun set cameras grondas e duas mini-cameras en ils gols. Var 10 kilometers cabels vegnan tschentads per realisar l'emissiun. En tut è in'equipa da 39 persunas da l'ORF sin plaz: reschia, redacziun, producziun, tecnica e gidanters.
-
Bild 1 von 5. Il char da transmissiun dal ORF a Schluein. Bildquelle: RTR, C. Albin.
-
Bild 2 von 5. L'ORF è arrivà cun 2 camiun-tractors plain material. Bildquelle: RTR, C. Albin.
-
Bild 3 von 5. Gest dus generaturs procuran per avunda energia. Bildquelle: RTR, C. Albin.
-
Bild 4 von 5. Tut la tecnica per la transmissiun è installada davos il plaz da ballape. Bildquelle: RTR, C. Albin.
-
Bild 5 von 5. Martin Krischke dal ORF. Bildquelle: mad.
Il stadion Raiffeisen Arena Grap Gries a Schluein n’è simplamain betg construì per ina tala reportascha en directa, e quai chaschuna inqual problem che sto vegnir schlià. Ins dastga esser spannegià da la reportascha. Sco Martin Krischke di, saja la reportascha directa sco la groma sin la petta da l’entir'emna da trenament dals Austriacs a Schluein.
RR actualitad 11:00