Nus resguardain surtut las vischnancas en il Grischun:
Las opiniuns èn divergentas. La vischnanca da Sumvitg giavischa che la pasculaziun en la zona centrala na dastgia betg vegnir reducida da 25 a 15 %.
Betg restricziuns en la zona centrala
Ina resalva che vegn fatga savens è ch'i na dastga be avair restricziuns en la zona centrala. Questa objecziun vegn surtut da Vrin e da Val S. Pieder. La vischnanca da Valragn fa valair che la perscrutaziun stuess vegnir fatga en la regiun dal parc e betg insanua en ina scol’auta.
Camona da Medel betg en la zona centrala
Ils chatschaders da Medel vulan che la chamona da Medel na saja betg en la zona centrala; ed ils purs vulan chargiar vinavant l’alp Lavaz.
Las duas vischnancas ch’èn pertutgadas pli pauc dal parc, Mustér e Trun sustegnan da principi il parc. La suprastanza da Trun vul dentant che las prescripziuns per la zona circumdanta ch’èn fixadas en la charta valian.
Svilup per la Val Blegn
La vischnanca che ha il grond territori en la zona centrala è il commune di Blenio. Sco il president Marino Truaisch ha ditg ad RTR sustegni la suprastanza il parc, perquai ch’ella quinti ch’i dettia in svilup economic. Il turissem da stad saja en la crisa ed il turissem d’enviern saja arrivà al cunfin.
dapli dal tema...
Ina segunda versiun
Suenter ch’ils responsabels dal parc han rimnà tut las objecziuns e resalvas dat i ina segunda versiun. Sco il directur dal parc Martin Hilfiker ha ditg ad RTR n'èsi betg pussaivel da cuntentar mintgin.