Surselva - Parc da vent Lumnezia: Opposiziun reducescha activitads
La gruppa che cumbatta il parc da vent Lumnezia – la «Gruppa d'interess Sezner – Um Su – Grenerberg» – ha decidì a lur radunanza generala da reducir sias activitads sin in minimum. Quai almain uschè ditg sco il project per il parc da vent Lumnezia na vegnia betg concret.
Malgrà la decisiun da reducir las activitads veglian els restar alert ed observar bain las activitads dals iniziants dal parc da vent Lumnezia. Che tut saja uschè ruassaivel saja forsa mo il ruaus avant in stemprà, uschia il president Gaudenz Alig. Per Alig èsi grev da schazegiar en con activ ch'il nov possessur dal parc da vent Lumnezia, Guido Schönenberger persequiteschia il project.
Il project prevesa da bajegiar var 25 rodas da vent sin l'Um Su.
