L'avantmezdi a las 09:23 uras ha ars in cabel da la lingia da tensiun media tranter Pitasch Tissen e Pitasch Mulin. Per consequenza n'han radund 300 clientas e clients a Duin gì nagin current electric per radund 94 minutas. A Camuns sajan stads pertutgads radund 110 chasadas per duas uras. 87 chasadas a Pitasch n'han gì nagin current electric per prest trais uras.
A Pitasch Mulin spetgian anc adina quatter chasadas per ch'il current vegnia puspè en chasa. Las reparaturas na sajan anc adina betg finidas.
RTR novitads 16:00