36 onns pli tard è l’idea finalmain daventada realitad. Ussa pon ils peduns ir atras il quartier senza stuair ir sin via. Ina via fitg privlusa, stretga e cun bler traffic. Grazia a quest passape duess il quartier da S. Clau vegnir pli attractivs per fatschentas u era sco quartier per abitar. Il davos toc dal passape ha custà rodund 100'000 francs. 2/3 dals custs surpiglia la vischnanca da Glion, 1/3 in manader da fatschenta che ha sia fatschenta a S. Clau.
-
Bild 1 von 8. Igl interess vi da la avertura è gronds. Bildquelle: RTR, C. Albin.
-
Bild 2 von 8. Sr. Herta Handschin benedescha il nov toc dal passape. Bildquelle: RTR, C. Albin.
-
Bild 3 von 8. Maurus Cathomas (amez dretg) ha gist taglià il bindel cotschen ed avert uschia il nov passadi, che maina sper sia fatschenta ora. Bildquelle: RTR, C. Albin.
-
Bild 4 von 8. La tavla commemorativa, per onurar ils iniziants dal passape. Bildquelle: RTR, C. Albin.
-
Bild 5 von 8. Sco emprims astgan futurs chavaliers entrar en il passadi, il nov toc dal passape atras il quartier S. Clau. Bildquelle: RTR, C. Albin.
-
Bild 6 von 8. Igl interess vi dal passadi, il davos toc dal passape, è gronds. Bildquelle: RTR, C. Albin.
-
Bild 7 von 8. Gronda festa a S. Clau. Bildquelle: RTR, C. Albin.
-
Bild 8 von 8. La plazza da festa a S. Clau. Bildquelle: RTR, C. Albin.
Cun ina pitschna ceremonia d'avertura è il davos toc dal passape tras il quartier S. Clau vegnì inaugurà. Suenter la benedicziun entras Sr. Herta Handschin da la claustra da Glion, han represchentants dals iniziants taglià la fascha cotschna ed avert uschia uffizialmain il passape. Ils vischins han festivà l’avertura cun ina festa da quartier che ha gì lieu sin la via atras il quartier, ch’è vegnida serrada a posta per la festa.