Legenda:
Las chasas pitschnas a Gadastatt duain avair l'apparientscha dals clavads a Val.
RTR, L. Livers
cuntegn
Surselva - Pendicularas Val Son Pieder cuntentas cun deficit da 470'000.-
Las pendicularas da Val Son Pieder han preschentà in deficit da 470'000.- francs a la radunanza d'acziunaris. Tuttina hai dà applaus per il cussegl d'administraziun.
Il deficit da CHF 470'000.- n'ha betg vilentà ditg la radunanza d'acziunaris da las pendicularas Val Son Pieder. Quai tar in retgav da radund 1,8 milliuns francs.
L'applaus ha il cussegl d'administraziun survegnì per la preschentaziun d'in nov investider. La firma englaisa "Powder Byrne" vul realisar plirs projects. Tranter auter radund 20 chasas pitschnas en furma da clavads a Gadastatt (1'800 m.s.m.) permez il territori da skis. Las emprimas lavurs èn previdas il pli baud il 2017.
