-
Bild 1 von 8. La primavaira è stagiun auta per la deponia Plaun Grond a Rueun. Bildquelle: RTR, C. Albin.
-
Bild 2 von 8. Bler traffic en la halla da recicladi. Bildquelle: RTR, C. Albin.
-
Bild 3 von 8. Tut vegn separà endretg. Bildquelle: RTR, C. Albin.
-
Bild 4 von 8. Mintgatant chatta Eligius Spescha era ina bella surpraisa tranter il rument. Bildquelle: RTR, C. Albin.
-
Bild 5 von 8. Era quellas surpraisas vegnan dentant dismessas. Bildquelle: RTR, C. Albin.
-
Bild 6 von 8. La sonda ha era Martin Tschuor gidà bleras persunas a dismetter urden veder. Bildquelle: RTR, C. Albin.
-
Bild 7 von 8. Era la chassa sto constar. Eligius Spescha en il biro da la deponia. Bildquelle: RTR, C. Albin.
-
Bild 8 von 8. Da temp en temp sto vegnir fatg plaz per nov rument. Bildquelle: RTR, C. Albin.
Sin ils culms hai anc massa naiv e plirs pass na pon anc ditg betg vegnir averts. En il funs da las valladas Grischunas è la naiv dentant per gronda part luada e la primavaira sa derasa. Era ils carstgauns sentan quella nova vita ed entschaivan plain energia a far urden a chasa. La primavaira è per blers il temp da dismetter il vegl e far plaz per novas chaussas, bunamain ina tradiziun. E perquai è la primavaira era la stagiun auta per las deponias da rument. Per exempel era per la deponia Plaun Grond, la deponia da la Regiun Surselva a Rueun.
Betg dapli persunal che usità
Tenor il substitut dal manader da la deponia, Eligius Spescha, datti cler dapli lavur la primavaira che durant il rest da l'onn. Cunzunt la sonda è in dals dis preferids per purtar rument en la deponia. Tuttina na dovria betg dapli persunal quels dis. La deponia saja bain organisada e funcziunia senza problems.