Siglir tar il cuntegn
Il prospect cun l'annunzia dal concert da gievgia saira.
Legenda: Il prospect cun l'annunzia dal concert da gievgia saira. RTR, H. Giger

Surselva Probabel l’ultima giada l’emna da chant e concert.

Dapi 2001 datti l’emna da chant e concert en la claustra da Mustér, la « Disentiser Klosterwoche ». Il tema da 2015 è: Alles hat seine Zeit. Per quest’emna ha Joseph Röösli, el è dirigent ed in dals organisaturs, cumponì ina cantata.

Da quai da 70 chantaduras e chantadurs da la Svizra e da la Germania prendan part als exercizis. L’idea d’organisar quest eveniment saja vegnida avant intgins onns da l’avat Pancrazi, ha Joseph Röösli ditg ad RTR. Quai saja stà cura ch’el saja vegnì ina giada en claustra ed haja sunà l’orgla.

Musica è sia passiun

Röösli ha emprendì da scolast primar, mo suenter ha el studegià musica a Lucerna, Wintherthur e Turitg ed è sa scolà vinavant a Minca e Salzburg. El è tranter auter era docent, autur d’ovras metodic-didacticas e cumponist da pliras ovras. Gia sco uffants chantavan els e sia famiglia sa preschentava mintgatant al public. Gievgia saira datti in concert en claustra da Mustér. Joseph Röösli suna sin trais orglas ed il chor chanta.

Artitgels legids il pli savens