-
Bild 1 von 4. Uschia pudess la nova pendiculara vegnir realisada. Bildquelle: RTR, Linus Livers .
-
Bild 2 von 4. La suprastanza communala da Flem ha orientà davart il stan da las lavurs per ina nova colliaziun en l'Arena tectonica Sardona. Bildquelle: Keystone.
-
Bild 3 von 4. Per arrivar sin il fil da Cassons ston ils da Flem investir ord agen satg. Bildquelle: RTR, Linus Livers .
-
Bild 4 von 4. La pendiculara veglia da Cassons cun la vista encunter la Lumnezia. Bildquelle: RTR, Linus Livers .
Il nov project per la pendiculara da Flem a Cassons duai vegnir realisà en duas etappas. Sco emprim è planisà da bajegiar la part sisum. Quai vul dir davent da Nagens sin il Cugn. Il Cugn sa chatta 300 meters sut il fil dal Cassons, nua che la staziun da muntogna da la pendiculara veglia da Cassons era. La segunda etappa è lura davent da Flem fin Nagens.
Redimensiunada
- 150 enstagl da 250 plazs
- plattafurmas enstagl da chasas sco staziuns per la cabina
- 80 enstagl da 140 milliuns
Finanzas
L'Arena Alva na sa senta betg persula responsabla per procurar per l'access en la regiun da l'Arena tectonica Sardona. Sco quai che Reto Gurtner, il manader da la Arena Alva, ha ditg, stoppia la vischnanca da Flem sa participar vi dals custs.
- 20 milliuns vischnanca da Flem
- 20 milliuns Arena Alva
- 40 milliuns bancas ed investurs
Termins
Il plan da termins è ambizius ed el è quasi en ils mauns da la vischnanca da Flem. Flem dovra quest access per l'Arena tectonica che tutga tar il patrimoni da l'UNESCO.
- Orientaziun l'avrigl 2019
- Votaziun davart il credit il matg 2019
- Decisiun planisaziun dal territori durant il 2020
- Avertura emprima etappa il 2022
- Avertura segunda etappa il 2024
RR actualitad 07:00