Surselva - Puncts n’èn betg il pli impurtant tar ina festa da musica

Ils organisaturs èn cuntents cun il decurs da la festa. Tut haja funcziunà sco planisà. Era cun il dumber d’aspectaturs èn ins fitg cuntent , ha il president dal comité d’organisaziun Ernst Sax ditg. En tut quinta el che var 1500 aspectaturs sajan stads a la festa.

Plaschair da far musica

Las bleras musicas laschan dar puncts per lur toc da pag e per la concurrenza da marschar. Er sch'igl è ina concurrenza, ils puncts na sajan la finala tuttina betg il pli impurtant, ha ditg il dirigent da la Societad da musica Vignogn, Remo Derungs. I saja bel sch’ins haja fatg ils blers puncts, ma anc pli impurtant saja ch’ins haja plaschair da far musica e da star da cumpagnia.