Legenda:
Ralf Kock banduna il center da sanadad Puntreis a Mustér.
mad
cuntegn
Surselva - Ralf Kock banduna Mustér
Il manader da fatschenta dal center da sanadad «Puntreis» a Mustér Ralf Kock ha visà la plazza. Quai han el ed il president dal cussegl d’administraziun da «Puntreis» Peter Binz confermà al Radio Rumantsch.
Ralf Kock di ch’el haja survegnì ina offerta d’ina firma a Turitg, ina firma che s’engascha en projects e manaschis da residenzas da seniors en l’exteriur. El abiteschia però vinavant a Rabius.
Legenda:
Il center da sanadad Puntreis a Mustér.
RTR, H. Giger
Ralf Kock aveva cumenzà sia lavur en il center da sanadad «Puntreis» il zercladur 2013. Ses contract cuzza anc fin la fin d’october.
