Il postulat Semadeni vul in rapport detaglià da la Confederaziun davart quai ch’è vegnì cuntanschì per il rumantsch ed il talian dapi che la lescha da linguatgs è en vigur.
Ch’il postulat inoltrà da la cussegliera naziunala Silva Semadeni (PS) menziunescha dentant, che la noscha acceptanza dal rumantsch grischun, haja fatg donn al rumantsch, è dà en egl negativamain a la Surselva Romontscha.
Rumantsch Grischun è giud maisa
En sia resoluziun na surpiglia il deputà Lorenz Alig dentant betg quella passascha. El vesa ella sco clom d’agid per sustegnair il rumantsch grischun – e quai schizunt sin palancau naziunal. Perquai na duai era betg la Sursela Romontscha sustegnair quella passascha fa Lorenz Alig valair en sia resoluziun.
La tema ch’il rumantsch grischun vegn tuttenina puspè promovì, è ina tema permanenta tar ses adversaris.
Lia Rumantscha: il postulat Semadeni è impurtant
Johannes Flury, il president da la Lia Rumantsch, ha empruvà da quietar cun sustegnair la resoluziun da Lorenz Alig.
El fa attent ch’il postulat e sia pretensiun sajan da gronda impurtanza per la Rumantschia. Perquai stoppia la dumonda: tge che la lescha da linguatgs haja purtà al rumantsch ed al talian vegnir evaluada.
Il postulat Semadeni vegn tractà il pli baud il 2017 en il parlament a Berna. Il Cussegl federal cusseglia al parlament da refusar il postulat Semadeni.