Siglir tar il cuntegn

Header

Vitus Gartmann il president da la Surselva Romontscha.
Legenda: Vitus Gartmann il president da la Surselva Romontscha tschertga soluziuns per modifitgar la Lia Rumantscha. RTR, LINUS LIVERS
cuntegn

Surselva Surselva Romontscha n'è betg cuntenta cun propostas da la Lia

Nagina da las trais variantas per democratisar la Lia Rumantscha persvada la Surselva Romontscha.

La reorganisaziun da la Lia Rumantscha stat avant porta. A la radunanza da delegads questa fin d'emna vegnan preschentads trais models co la Lia duai vegnir manada en l'avegnir. U cun ina radunanza da delegads redimensiunada – 32 enstagl da 65 delegads - u cun in parlament da 16 parlamentaris u cun ina radunanza da delegads da 39 persunas.

La Surselva Romontscha è da l'opiniun che tuttas trais variantas na satisfan betg cumplainamain.

Proposta Surselva Romontscha

Las trais uniuns territorialas tradiziunalas stoppian vegnir rinforzadas di Vitus Gartmann il president da la Surselva Romontscha. Las uniuns tematicas duain vinavant restar en la Lia, la proporziun duai dentant vegnir adattada. La rolla da la diaspora vesa Vitus Gartmann uschia, ch'ella duai avair in'impurtanza, ella na possia dentant betg survegnir in status territorial, perquai che quai na saja ella simplamain betg.

A la radunanza da delegads ils 29 d'october a Lavin vegn la Sursevla Romontscha a dar quests impuls e francar ils interess da la Surselva Romontscha.

La varianta da far in parlament per la Lia Rumantscha na vesa Gartmann insumma betg. Il dumber da delegads duai vegnir reducì tenor las variantas proponidas. Quai possian in segiramain far. Sch'ins discurra dentant d’ina democratisaziun da la Lia Rumantscha, èsi ina cuntradicziun da reducir il dumber da delegads. Decisiv saja la finala co ch'ils delegads vegnian repartids.

RR actualitad 12:00

Artitgels legids il pli savens

Scrollar a sanestra Scrollar a dretga