Igl è vegnì pli ruassaivel en ed enturn l'uniun «Surselva romontscha». Quai ha da far cun il rumantsch grischun ch’è n'è insumma nagin tema pli. Il cumbat encunter il rumantsch grischun sco linguatg d’alfabetisaziun è passà. Sin il pli tard cun la decisiun dal Surmeir da turnar enavos tar l'idiom èsi vegnì ruassaivel.
Chattar successur u successura
Sche la «Surselva romontscha» tschertga in nov president u ina nova presidenta è quai ina gronda chaussa en la Rumantschia. La SR è numnadamain la pli gronda uniun territoriala che represchenta ils pli blers Rumantschs. Las elecziuns dal nov presidi han lieu ils 17 da zercladur 2022.
La dumonda da la schlattaina na saja per il president partent, Alberto Palaia, dentant betg impurtanta. La suprastanza da la SR sa cumpona actualmain da quatter dunnas e d in um.
Nova sfida
L'acziun rumantscha da Domat ed ils Rumantschs dal Plaun na sa sentan betg bain represchentads da l’uniun «Surselva romontscha». Il conflict tranter ils partenaris è franc ina da las sfida che il nov president u la presidenta da la «Surselva romontscha» sto schliar.