-
Bild 1 von 5. Copias dals maletgs chattads avant 82 onns èn da chattar en la ruina. Bildquelle: RTR, H. Giger.
-
Bild 2 von 5. Ina copia dal maletg dal tschiel. Bildquelle: RTR, H. Giger.
-
Bild 3 von 5. Copia dal maletg che duai simbolisar l'enfiern. Bildquelle: RTR, H. Giger.
-
Bild 4 von 5. La ruina da la chaplutta da S. Benedetg. Bildquelle: RTR, H. Giger.
-
Bild 5 von 5. La ruina da la chaplutta da S. Benedetg da dadens. Bildquelle: RTR, H. Giger.
Vitus Bass ed intgins voluntaris han dismess chaglias, sanà mirs e la part interna. El di ch’els hajan prestà da quai da 2000 uras lavur. In architect ed in miradur han cusseglià els. L’idea da sanar questas restanzas è vegnida 2001, cura che sia feglia ha vulì maridar là.
Furma da fier-chaval fitg rara
La chaplutta veglia cun in chor en furma da fier-chaval datescha dal 9avel tschientaner. Tenor ina cronica da la claustra da Mustér han Rigenza da Valle da Sumvitg e Chonrad de Rusen da Ruschein fundà là ina cuminanza cristiana da beghinas e begards.
Il chor è vegnì bajegià da nov il 1522. Bunamain 150 onns pli tard, il 1670, è in nov altar vegnì inaugurà.
Adina puspè è la chaplutta vegnida renovada, fin ch’ina lavina ha destruì ella 1984. E perquai ch’il privel da lavinas è anc adina grond en questa regiun n'èsi betg pussaivel da reconstruir ella sco pli baud.
Copias da maletgs simbolics
L'onn 1934 ha il pader benedictin e perscrutader Notker Curti chattà dus maletgs che simboliseschan tschiel ed enfiern. Quels èn oz en possess da la claustra da Mustér, mo ina copia è uss era en las restanzas restauradas.
Quests maletgs fan anc adina impressiun a Vitus Bass ed a la responsabla da marketing Manuela Orlik. Els èn da Sogn Benedetg è sco uffants vesevan els adina puspè quels. La ruina da la chaplutta è vegnida inaugurada dumengia, ils 12.06.2016.