La stanza da scola en il guaud a Laax Salums è dapi sonda realitad. Var 2,3 milliuns francs ha la vischnanca da Laax investì en il lavuratori per la gruppa da guaud e la stanza da scola. Las localitads per il revier forestal da Laax e Sagogn sco era la stanza da scola en il guaud han carmalà la sonda il pievel da Laax a la festa d'inauguraziun.
audio
Mezdi: Laax - Party amez in center forestal
02:45 min, ord Actualitad dals 13.11.2017.
laschar ir. Durada: 2 minutas 45 Secundas.
Il chantun sustegn da quests projects
Il cusseglier guvernativ Mario Cavigelli ha menziunà en ses pled festiv, ch'il chantun beneventia l'iniziativa da construir chamonas da guaud sco stanzas da scolaziun. Perquai ha il chantun era contribuì varga 900'000 francs per questas localitads.
Situaziun optimala a Laax
La cumbinaziun a Laax che la stanza da scola è gist sper las localitads dal revier forestal è tenor il president da vischnanca da Laax Franz Gschwend da beneventar per raschuns da surveglianza e per la scolaziun sezza. Da la localitad en il guaud sa in e scadin far diever. Las reservaziuns a moda electronica hajan gia cumenzà fitg bain, manegia Franz Gschwend.