-
Bild 1 von 8. L'emprima da las 7 punts da Tavanasa che van sur il Rain Anteriur vi sa chatta dasper l'implant electric. Bildquelle: RTR, L. Livers.
-
Bild 2 von 8. La segunda da las duas punts dasper l'implant electric da Tavanasa. Bildquelle: RTR, L. Livers.
-
Bild 3 von 8. La punt da fier da la Viafier Retica. Bildquelle: RTR, L. Livers.
-
Bild 4 von 8. La punt da la via chantunala è la pli gronda da las 7 punts. Bildquelle: RTR, L. Livers.
-
Bild 5 von 8. La pli giuvna punt a Tavanasa è la nova punt per autos. Bildquelle: RTR, L. Livers.
-
Bild 6 von 8. L'enconuschenta punt da Versell è vegnida restaurada e vegn anc duvrada sco punt per peduns. Bildquelle: RTR, L. Livers.
-
Bild 7 von 8. La davosa punt sur il Rain Anteriur a Tavanasa en direcziun da Mutteins. Bildquelle: RTR, L. Livers.
-
Bild 8 von 8. Ina survista da las 7 punts sur il Rain Anteriur en la vischinanza da Danis/Tavanasa. Bildquelle: charta GeoGR, grafica RTR.
Strusch da crair ch'i dat 7 punts, sin var 1,5 kilometers dal Rain Anteriur. La punt a la quala l'uniun Nossa Punt ha dà grond pais è quella da Versell, construida l'onn 1928. Ina punt per tut il trafic. L'onn 1927 era la punt veglia da Maillart vegnida destruida d'ina bova. En mo 10 mais han ins construì la nova, quella da Versell.
Questa stad vegn la punt restaurada inaugurada e surdada al traffic plaun; vul dir als peduns ed als velos. Quella punt gioga la rolla principala en il cudesch Nossa Punt. Ella è documentada cun pleds e fotografias da tuttas varts. Ed era la populaziun da Danis-Tavanasa vegn a pled. Sin pliras paginas raquintan giuven e vegl da lur punt.
Il cudesch ha anc in'autra atgnadad. El è scrit en trais linguatgs: rumantsch, tudestg ed englais. Mo uschia fetschia ina ediziun da 1'300 tocs d’in cudesch d’architectura senn, manegia la presidenta da l’uniun Nossa Punt Rita Cathomas Bearth.