Ils commembers da la societad da chascharia Breil han elegì in successur per il signun Josef Kobler ch'aveva gì in grev accident l'atun passà. Andreas Grob ha 25 onns. Il giuven Sursilvan ha fatg l'emprendissadi da pur e silsuenter la scolaziun da signun. El surpiglia il manaschi a partir da l'emprim da matg 2016. Enfin lura resta il manaschi ord funcziun.
La chascharia da Breil
11 producents da latg furneschan la chascharia da Breil. Tut en tut elavura ella radund in milliun liters latg ad onn. Ord quest latg vegn fatg chaschiel da muntogna. La societad da chascharia posseda er ina pitschna stizun amez il vitg da Breil.