Mintga gievgia saira dumbra Gionina bleras giadas fin 8. Da las 17:00 fin las 21:00 dat ella numnadamain instrucziun da saut – quatter uras senza ina suletta pausa. Ella cumenza cun ina gruppa da mattas da la segunda classa e finescha la saira cun dunnas tranter 20 e 25 onns. Tut en tut taidlan en ina saira var 40 sautunzas las instrucziuns da la scolasta primara da 31 onns en chasa da scola a Luven.
Durant che Gionina dat lecziuns da saut a Luven, fa sia sora Fabiola a Glion exact il medem. Marianna, la terza sora, instruescha mintga mardi saira.
Nus avain era tratg cabels tras ils curtin per avair musica sin plazza da scola e per pudair sautar uschia.
Las trais soras, ch'èn creschidas si a Vella, n'enconuschan nagut auter ch'ina vita plain musica e moviment. Dapi che Gionina po sa regurdar, hajan ellas adina gia sautà: en stiva, en curtin ed era sin plazza da scola.
Fascinaziun sautar
Oz, cun 31 onns, exista anc adina quel plaschair vi dal moviment musical, di Gionina Candinas. La fascinaziun da sautar è restada. Avant 9 onns han las trais soras fundà in'atgna scola da saut «Spescha Dance».
Per mai è sautar ensatge fitg liberant.
Quella giada cun var 50 sautunzas e 4 curs. Actualmain dumbra «Spescha Dance» passa 90 sautunzas l'entira Surselva e quai en la vegliadetgna da 5 fin 25 onns. Intginas sautunzas èn gia da l'entschatta davent da la partida. La fascinaziun da sautar para uschia er dad avair tschiffà l'ina u l'autra.
Variaziuns da stils e musica
En stanza da judo en chasa da scola a Luven vegn sautà e sautà. I vegn sa muventà sin mattas blauas e melnas, davant spievels ed en soccas. Ins na vesa betg mo in tschert stil da sautar, mabain in zic da tut: elements da «hip hop», «rock'n'roll» e «contemporary». Era la musica è fitg variada. Gionina declera ch'ellas sa decidan l'emprim per ina chanzun e creeschan vitiers in saut.
-
Bild 1 von 3. Gionina e sia gruppa da mattatschas da la segunda classa sautan en il local da judo a Luven. Bildquelle: RTR.
-
Bild 2 von 3. Dunnas tranter 20 e 25 onns èn las ultimas sautunza da questa sera. Bildquelle: RTR.
-
Bild 3 von 3. Las trais soras durant ina producziun da sautar. Bildquelle: Gionina Candinas.
En paucas emnas stat la producziun communabla avant isch. Ils 2 ed ils 3 da matg astgan las saltunzas presentir quai ch'ellas han trenà dapi l'atun passà cun Spescha Dance. En tut vegn i a dar 17 sauts.
Ils 2 e 3 da matg dastgan las sautunzas preschentar en ina producziun communabla quai ch'ellas han trenà cun «Spescha Dance» dapi l'atun passà. En tut vegni a dar 17 sauts.