En la vegliadetgna da 87 onns è mort il spiritual catolic Giusep Cathomas en la chasa d'attempads a Trun. Quai annunzia l'uvestgieu da Cuira sin sia pagina d'internet. Sur Giusep Cathomas, ch'era oriund da Surrein, ha lavurà durant si'entira vita sco spiritual en Surselva. Cumenzà sco pastur da las olmas ha el il 1959 a Tersnaus Camuns, lura a Sedrun e sco ultim a Breil e Dardin fin l'onn 2001.
Giusep Cathomas è er s'engaschà per il rumantsch ed ha translatà texts liturgics e chanzuns per il cudesch da chanzuns «Alleluia». Il musicist Armin Caduff da La Compagnia Rossini ha arranschà sias poesias. Il 2001 è Sur Giusep Cathomas ì en pensiun a Rabius ed a partir dal 2016 ha el passentà ses ultims onns da vita en la Casa S. Martin a Trun.
Ord l'archiv:
L'emissiun Svizra Rumantscha aveva il 2013 tranter auter er discurrì cun Sur Giusep Cathomas.