Siglir tar il cuntegn

Surselva Sursaissa: 1'600 suttascripziuns pertutgant nova sutgera

Ina petiziun pretenda da las pendicularas Sursaissa-Mundaun da reponderar la decisiun da na betg amplifitgar la nova sutgera Misanenga-Untermatt per pudair transportar peduns.

En strusch in mais ha l'iniziant da la petiziun Martin Lüdin, osp dapi pli che 30 onns e possessur d'ina abitaziun secundara a Sursaissa, gì ensemen bunamain 1'600 suttascripziuns. La petiziun pretenda da las pendicularas Sursaissa-Mundaun da reponderar la decisiun e da tuttina bajegiar enturn la sutgera, per ch'era peduns possian ir cun ella. Cun tantas suttascripziuns en uschè curt temp ha Martin Lüdin betg quintà. La gronda part da las persunas che hajan suttascrit, sajan possessurs d'abitaziuns secundaras. Quai mussia con fitg ch'ils giasts sajan trumpads da quella nova sutgera.

En la petiziun pretenda Martin Lüdin, ina resposta da las pendicularas enfin ils 6 d'avrigl. Tge ch'el vegn a far, sche las pendicularas na dattan betg ina resposta positiva, ha el anc betg vulì tradir.

Martin Lüdin da Rikon (ZH), l'iniziant da la petiziun.
Legenda: Martin Lüdin da Rikon (ZH), l'iniziant da la petiziun. RTR

RR actualitad 17:00

Artitgels legids il pli savens