Ils ospitants sin lur viadi da la Surselva a Turitg
-
Bild 1 von 7. A la staziun da Glion vegnan ils ospitants beneventads. Bildquelle: RTR, C. Albin.
-
Bild 2 von 7. Ils Sursilvans èn pronts per far il viadi a Turitg. Bildquelle: RTR, C. Albin.
-
Bild 3 von 7. Ils participants spetgan cun attenziun sin il cumenzament dal viadi. Bildquelle: RTR, C. Albin.
-
Bild 4 von 7. Bleras persunas en t-shirts cotschens èn da vesair oz a Turitg. Bildquelle: RTR, C. Albin.
-
Bild 5 von 7. En il bus sin via a Turitg datti las ultimas instrucziuns per ils radund 100 ospitants sursilvans. Bildquelle: RTR, C. Albin.
-
Bild 6 von 7. Ina roscha segua ils ospitants. Bildquelle: RTR, C. Albin.
-
Bild 7 von 7. Durant il viadi èsi da persvader las persunas da far vacanzas en Surselva... Bildquelle: RTR, C. Albin.
Il directur da Surselva Turissem, Roland Huber, na vul betg laschar il giat ord dal satg. Gnanc ils ospitants ch’el prenda cun el a Turitg sappian tge che duai capitar là. Mo tant i saja ina occurrenza pli gronda ed i giaja per far pli patgific e prender peda. Turitg saja il pli impurtant martgà per Surselva Turissem e perquai vegni l’occurrenza fatga a Turitg.
Ozendi saja la glieud prest mo pli cun il chau en ils telefonins e na fetschia prest betg stim ina da l’autra. Perquai sajan lieus nua ch’ins haja anc temp tschertgads. La Surselva haja tals lieus e quai valia da proclamar meglier. L’idea sco tala da l’acziun che vegn lantschada è da prender temp per il giast e raquintar istorgias da la regiun. Tenor Roland Huber è quai insatge che mo las persunas indigenas san far e che na funcziunia betg via la rait. Uschia ina acziun portia dapli che gronds inserats en las gasettas, ha ditg il directur da Surselva Turissem.
RR actualitad bunura