Siglir tar il cuntegn

Header

audio
Surselva: E-bike ed Aua Viva Grischun
Or da Actualitad dals 27.04.2019.
laschar ir. Durada: 2 minutas 51 Secundas.
cuntegn

Surselva Turissem Porscher dapli per giasts dad e-bike

22 studentas e students da la scola internaziunala per turistica a Turitg èn sa fatschentads cun il turissem en Surselva. L'organisaziun Surselva Turissem ha envidà els ad in’emna da project per elavurar trais propostas.

Concept dad e-bike

I dat pli e pli bleras persunas che van cun e-bike, cun velo electric. In motiv è ch’i na dovra tanta cundiziun sco d'ir cun velo. Studentas e students da la scola internaziunala per turistica proponan da crear in concept per e-bikes. En mira èn surtut persunas da 50 onns e dapli ubain famiglias senza uffants.

Tgi che va cun e-bike duess pudair giudair la natira e bunas tschaveras en ustarias ed hotels ed era emprender d’enconuscher ils products regiunals. Ina idea fiss ina tura sin il lai da Pigniu sin ils fastizs dal general Suworow ubain a Sursaissa sin ils fastizs da Carlo Janka. En Surselva datti fin uss 30 staziuns da chargiar il velo electric. Là stuessi era esser pussaivel da pudair prender a tschains in cabel da chargiar.

Studentas e students da la scola internaziunala per turistica (cun Ivana Monn, dretg) preschentan ils projects.
Legenda: Studentas e students da la scola internaziunala per turistica (cun Ivana Monn, dretg) preschentan duas ulteriuras propostas da l’emna da project. RTR, Hubert Giger

Ulteriuras propostas

Sper in concept dad e-bike proponan ils students e las studentas era:

  • In project è da nizzegiar meglier la resursa aua cun lais, flums ed auals sut il motto «Aua Viva Grischun».
  • Ils quatter biros d’infurmaziun da Surselva Turissem duain daventar in lieu d'inscunter per giasts, possessurs d'abitaziuns secundaras ed indigens.

RR novitads 17:00

Artitgels legids il pli savens