En quest cudesch descriva el la lavur dals emploiads da l’armada svizra e da la Pro Lucmagn per tegnair avert la via dal pass. Quai da 1955 – 2015. Igl è ina incumbensa da l’armada perquai ch’ella ha ina staziun da radar sin il Piz Scopi sin 3'200 meters.
Lavinas
Surtut ils emprims onns e decennis han lavinas chaschunà fastidis e blera lavur. En memoria è anc adina la lavina dad Acla ch'ha custà la vita a trais persunas, tranter auter ad in emploià da l’armada, Battesta Flepp.
Ina persuna ch'è stada engaschada dapi l’entschatta è Martin Giger (*1927). El sa raquintar bleras istorgias.
Censura da l'armada svizra
Ciprian Giger ha dentant era pudì profitar da rapports, protocols e fotografias ord l’archiv militar. Mo il militar n'ha betg lubì da duvrar tut las funtaunas. Il cudesch è illustrà en tut cun passa 160 fotografias.
L'idea dal schef
Sco l’autur di haja ses schef, Clemens Berther, gì l’idea da documentar ils fatgs per l’archiv militar. La finala saja il material sa rimnà, ed el haja alura proponì d'edir in cudesch.
Quel na documentescha betg mo il servetsch d’enviern dals ultims 60 onns, el è era ina part impurtanta da l’istorgia locala e regiunala.
-
Bild 1 von 5. Avant ch’il pass dal Lucmagn vegniva tegnì avert sur enviern stueva il militar far quai sez fin Stgegia. Bildquelle: mad.
-
Bild 2 von 5. Tegnair avert la via. Bildquelle: mad.
-
Bild 3 von 5. Tegnair avert la via fin Stgegia nua che la pendiculara militara va sin il Scopi. Bildquelle: mad.
-
Bild 4 von 5. En il cudesch hai era bleras fotos veglias... Bildquelle: mad.
-
Bild 5 von 5. ... era da disgrazias, sco quella da la Lavina d’Acla. Bildquelle: mad.
RR actualitad bunura