Surselva - «Uss stat ina giada la Surselva en il center»

I n’era dentant betg cler davent da l’entschatta che Schluein e la Surselva sajan il lieu ospitant. Tenor Gaudenz Thoma da Grischun Vacanzas, hajan ins guardà plirs lieus. Tar l’US Schluein Glion e las 5 vischnancas ch’èn s’engaschadas per il project hajan els sentì, ch’igl era avant maun in grond vulair ed engaschi.

Gaudenz Thoma è fitg cuntent ch’il camp è en Surselva e che quella è ina giada en il center. Quai saja ina gronda schanza per la Surselva. El stima era, ch’il HSV vegn en Rumantschia. Quai saja bel per la Rumantschia, dentant er interessant per ils giasts. Blers reageschian positiv sin la trilinguitad dal chantun Grischun.