-
Bild 1 von 5. Robert Albin sto pitgar giu mintga di il glatsch dal bavraduir da las vatgas. Bildquelle: RTR, C. Albin.
-
Bild 2 von 5. La stalla libra è quasi mo in tetg per las vatgas, tut è avert. Bildquelle: RTR, C. Albin.
-
Bild 3 von 5. La stalla libra protegia las vatgas da plievgia e vent, ma betg da temperaturas bassas. Bildquelle: RTR, C. Albin.
-
Bild 4 von 5. Cura che i fa fraid maglian las vatgas dapli fain. Bildquelle: RTR, C. Albin.
-
Bild 5 von 5. Era ils vadels n'han betg problems cun la fradaglia. Bildquelle: RTR, C. Albin.
Vatgas ed auters animals da bains purils vegnan ozendi savens tegnids en stallas libras – stallas avertas che dattan als animals quasi mo in suttetg. Grazia a quai èn ellas l'entir onn ordavert ed èn disadas da s'adattar a l'aura. Tenor Robert Albin, in pur da bio a Tersnaus che posseda ina tala stalla libra, cumenzian sias vatgas a bajegiar si in pail d'enviern cura che las temperaturas sa sbassian d'atun. Perquai na hajan ellas nagins problems sche las temperaturas sa sbassian sut nulla.
Magliar dapli e star ensemen
Las temperaturas bassas senta Robert Albin cunzunt vid il sa cuntegnair da las vatgas. Per ina giaschian ellas pli stretg ina da l'autra, quai per dar chaud ina a l'autra. E per l'autra maglian las vatgas era dapli cura ch'i fetschia pli fraid. Per stgaudar il corp dovrian ellas dapli energia e perquai stoppian ellas magliar dapli.
RR actualitad 06:00