Tenor infurmaziuns dal pledader da medias da la Viafier Matterhorn-Gottard Jan Bärwalde haja ina lavina la mesemna notg sutterrà il binari. Persunas blessadas n’haja betg dà.
Per il mument na curseschan nagins trens tranter Andermatt e Tschamut-Selva. Ils passagiers dal Glacier-Express vegnan sviads sur Turitg e Cuira.
Quant ditg ch’il traject resta serrà n’è anc betg cler. E quant gronds ch’ils donns èn n’è er anc betg cler. L’emprim stoppia vegnir allontanada tut la naiv, avant che la situaziun possia vegnir analisada.
RR novitads 09:00 **