-
Bild 1 von 8. Las trais damas han chattà in stgazi . Bildquelle: RTR, Linus Livers .
-
Bild 2 von 8. Ils ultims tocs chattan in nov possesur. Bildquelle: RTR, Linus Livers .
-
Bild 3 von 8. Quest candelaber vegn demontads per la mattetta Aline . Bildquelle: RTR, Linus Livers .
-
Bild 4 von 8. Mobiglias che n'han betg chattà in cumprader. Bildquelle: RTR, Linus Livers .
-
Bild 5 von 8. Peter Schoch il nov directur dal Hotel Waldhaus sa legra sin la reavertura ils 9 da december. Bildquelle: RTR, Linus Livers .
-
Bild 6 von 8. A l’entrada dal Hotel Waldhaus s'emplunan las matratschas. Bildquelle: RTR, Linus Livers .
-
Bild 7 von 8. Las chombras èn rumidas - tut la rauba sa chatta en ils corridors . Bildquelle: RTR, Linus Livers .
-
Bild 8 von 8. Marion Minarik ha organisà la vendita da las mobiglias. Bildquelle: RTR, Linus Livers .
La vendita da mobiglias è a fin. La bilantscha: 80% dals 5000 artitgels ch'eran en vendita èn vendids.
Buna fatschenta per tuts
Quants daners ch'èn vegnids incassads per questas mobiglias n'è betg sta d’eruir. Ina part dals daners vegnia en in fond per scolar il persunal, l’autra part vegn simplamain duvrada per cumpar mobiglias novas, ha ditg Peter Schoch il directur dal hotel Waldhaus.
Americans senza cultura
Schoch na lascha betg valair la reproscha ch'ils novs possessurs americans vendian ora la cultura dal Hotel Waldhaus. Sco el di sajan propi las pli bellas chaussas vegnidas messas en salv en il museum dal hotel Waldhaus e betg vendidas.
Mobiglias per la Ucraina
20% da las mobiglias ch'èn restadas regala il Waldhaus a la plaiv catolica da Flem. Sco quai che Wally Bäby Reinalter, la presidenta da la plaiv, ha ditg ad RTR, regalian els vinavant a l'Ucraina surtut letgs. Da lezs èn vanzads blers en las varga 150 chombras. La plaiv ha organisà gidanters per rumir las chombras. La rauba ord il hotel vegn transportada ad interim en ina garascha a Flem. Il transport en l'Ucraina vegn lura organisà pli tard.
RR actualitad 07:00