Per bajegiar il «WellnessHostel3000 & Aua Grava Laax» survegn la vischnanca ina contribuziun da maximal 1 milliun francs dal chantun. Vitiers dat la regenza ina segunda contribuziuns da 464'000 francs sco prestaziun d'equivalenza tar la contribuziun da la Confederaziun. Quella dat 2 milliuns francs per il project.
La vischnanca da Laax ha approvà en tut trais decisiuns per il project e dat en tut 17,3 milliuns francs per il hostel da wellness. Quel duai avair 160 letgs, ed er il bogn Grava vegn renovà. Il bogn vegn er suenter a restar public. Va tut tenor plan, duai il project esser a fin il 2021.
Il project vegn realisà da la vischnanca da Laax ch'è patruna dal project. Il hostel da wellness duai purtar 27'000 pernottaziuns supplementaras ad onn. Dal nov segment duain er profitar las pendicularas, la gastronomia ed il commerzi en detagl da l'entira regiun.
RR novitads 09:00
