Siglir tar il cuntegn

Header

cuntegn

Surselva Sustegn finanzial per resort da vacanzas Pradas a Breil

La regenza garantescha a la Breil Resort SA ina contribuziun chantunala dad 1,7 milliuns francs per construir il resort da vacanzas Pradas a Breil, quai communitgescha il chantun.

Il resort duai stgaffir a Breil 578 letgs supplementars e generar 63 000 pernottaziuns supplementaras per onn. En in'emprima etappa vegnan construidas 16 chasas cun 84 abitaziuns. In'ulteriura etappa vegn realisada, uschespert ch'il resort vegn manà cun success. Ils custs d'investiziun dal project importan tut en tut passa 53 milliuns francs. L'avertura è planisada il december 2015.

Il chantun po sustegnair cun contribuziuns e cun emprests da daners projects impurtants per l'economia regiunala u spezialmain innovativs d'interpresas d'alloschament. Questas contribuziuns importan maximalmain 25% dals custs d'investiziun.

RR novitads 9:00

Artitgels legids il pli savens