Siglir tar il cuntegn

Header

cuntegn

Swiss cup Prau la Selva Flem Trophy cun 330 participants e participantas

Il Swiss cup è per patinaders artistics e patinadras artisticas la pussaivladad da sa qualifitgar per ils campiunadis svizzers.

Ediziun 2021 cun participaziun da record

  • 330 giuvens e giuvnas, umens e dunnas èn da la partida.
  • 4 dis da la damaun enfin la saira vegn fatg sport da patinadi artistic.
  • «Eislaufclub Flims -Surselva» è dapi 32 onns l'organisatur da questa occurrenza.
audio
«Trophy Flem» cun record da participaziun
ord Actualitad dals 09.12.2021.
laschar ir. Durada: 2 minutas 41 Secundas.
L'onn vargà n'han ils sportists e las sportistas gì betg ina concurrenza da patinadi artistic, ussa èn els pronts da sa mesirar.
Autur: Ulrike Hörler cunorganisatura da Flem Trophy
Purtret Ulrike Hörler
Legenda: Ulrike Hörler: I dovra talas occurrenzas per ils sportists giuvens. RTR, Linus Livers
Jau crai cun 330 participantas e participants essan nus al limit, davent da la gievgia da mezdi enfin la dumengia e quai la damaun a la saira, dapli na va betg.
Autur: Ulrike Hörler cunorganisatura da Flem Trophy

L'occurrenza da l'onn 2020 ha stuì vegnir stritgada pervia da corona. Ussa èn els zunt motivads da porscher in eveniment per tut ils sportists e per ils aspectaturs. Ulrike Hörler, che ha sezza duas mattatschas che fan il sport da patinadi artistic, manegia ch'i haja dà quest onn ina participaziun da record. Quai haja forsa era da far cun la situaziun ch'i saja marschà l'onn passà nagut. Ins possia segir trenar ina giada in onn senza occurrenzas, mo insacura stoppian ins puspè sa mesirar ,quai saja la vita dals sportists e las sportistas.

RTR actualitad 11:00

Artitgels legids il pli savens

Scrollar a sanestra Scrollar a dretga