Siglir tar il cuntegn

Header

Il Swiss Mountain Award 2019 va a Laax.
Legenda: Il Swiss Mountain Award 2019 va a Laax. MAD
cuntegn

Swiss Mountain Award Premi d'innovaziun per l'Arena Alva

Il premi d'innovaziun da las pendicularas svizras va quest onn a Laax, quai per l'applicaziun da telefonin Inside Laax. Il Swiss Mountain Award è dotà cun 10'000 francs.

Tenor communicaziun da l'Uniun pendicularas svizras possian ins reservar cun in clic equipament da skis u ina maisa en ustria, ins vesia, nua che la pli pauca glieud stettia gist en colonna u possia guardar quants kilometers ch'ins haja fatg sin pista.

En la laudatio hai num tranter auter: «Sin questa app stat il giast adina en il center e survegn ina clera plivalur». Ella saja era interessanta per ils purschiders. Cun las datas possian ils process vegnir furmads tenor il gust dal client.

Arena Alva è sa messa tras cunter dus auters

En la fasa finala per il Swiss Mountain Awards 2019 èn era stads nominads ils suandants projects:

  • Emprima funiculara electrica en Svizra: Bürgenstockbahn
  • La pli auta telecabina circulanta sin trais sugas dal mund sin il Klein Matterhorn: Matterhorn Glacier Ride

RR novitads 09:00