Siglir tar il cuntegn

Header

cuntegn

Surselva Talians giuvens en Svizra vegnan sensibilisads cunter Mafia

Ina campagna da sensibilisar è vegnida lantschada e dura anc enfin il zercladur.

Giuvens Talians che vivan en Svizra vegnan infurmads davart dals privels da la Mafia. La campagna da sensibilisaziun cun il num «Progetto legalità» è vegnida lantschada oz e dura fin il zercladur che vegn.

La finamira è d'intermediar a la generaziun giuvna il cumportament persunal, social e correct per crear ina meglra societad. I giaja per dar d'entellir ad els che la Mafia saja illegala.

Punct principal da la campagna saja da sensibilisar il ristg per l'infiltraziun dal crim organisà. La criminalitad organisada haja anc survegnì schlantsch ils davos onns en Svizra.

Betg sutvalitar la Mafia

La generaziun giuvna stoppia vegnir sclerida si davart la Marfia, stereotips stoppian vegnir schliads, gist per betg sutvalitar la Mafia, uschia Maria Chiara Vannetti, presidenta dal comité per Talians dals chantuns Berna e Neuschatel.

La Mafia dettia savens raschun per remartgas legras en la societad. Quai mainia ad ina banalisaziun dal fenomen, di Vanetti. La Mafia saja sa sviluppada. I na sa tractia betg da la medema organisaziun sco avant 40 onns. Ella haja fermà pe en la criminalitad economica e saja activa cun fatschentas da drogas ed immobiglias.

Mafia era activa en Svizra

Il mars 2016 aveva la polizia federala (fedpol) arrestà 13 burgais talians, l'uschenumnada cella da Frauenfeld. Las autoritads talianas smanatschan a quels dad esser part dad ina organisaziun criminala.

RR novitads 12:00

Artitgels legids il pli savens