Siglir tar il cuntegn
Inhalt

Surselva Taur da curuna da 14 per Arno Casanova

Ils 10 ed ils 11 da settember èsi lubì da sajettar taurs-tschierv da curuna. Per blers chatschaders la preda preferida.

Il chatschadur Arno Casanova presenta ses taur da curuna da 14
Legenda: Baud la damaun ha Arno Casanova sajettà il taur da la vita. RTR, L. Livers

Betg mintgin vegn da sajettar in tal taur durant sia carriera da chatscha. Ad Arno Casanova da Siat è quai però reussì. Ses taur da curuna da 14 ha in pais da 162 kilos.

Pliras persunas ston gidan da paisar il taur
Legenda: Il taur da curuna paisa 162 kilos RTR, L. Livers

Atgnamain va Arno Casanova a chatscha cun ses fegl, mo lez ha rut ina chomma il 5avel di da chatscha, uschia era el stà sulet sin l'alp da Siat. Il taur seglia ord la draussa ed Arno Casanova, che patescha da la malsogna da Parkinson, sto star en schanuglias per sajettar.

Entras la malsogna trembla el memia fitg per sajettar senza tschentar la buis. El tutga il taur cun in plum, mo trai anc ina giada in segund per ventscher la bestia. La satisfacziun è gronda, era sche Arno Casanova ha aifer ils 34 onns ch’el va a chatscha gia sajettà trais da quels taurs gronds, sco el di.