Siglir tar il cuntegn
cuntegn

Surselva Tavanasa: Polizia piglia laders da collecta

Durant ina controlla da traffic sin la via da l'Alpsu tar Tavanasa piglia la polizia chantunala dus laders ch'han sblundregià cassas da collecta.

altar cun cassa da collecta tar las chandailas
Legenda: Talas collectas han ils dus umens avert ed engulà ils daners. MAD / Polizia chantunala

Tar la controlla da traffic avevan ils policists chattà en l'auto blera munaida e daners en notas cun restanzas da colla londervi. Ils dus umens da 20 e 23 onns han cooperà cun la polizia. Tenor la polizia chantunala èn els vegnids en Svizra per tschertgar lavur ed engular daners da collecta en las baselgias. Els han inditgà d'esser stads en radund 40 baselgias en plirs chantuns ed hajan sblundregià las cassas da collecta. La summa munta a plits tschients francs.

La polizia ha deponì sia denunzia tar la procura publica dal Grischun.

RR novitads 11:00