Ina gruppa da trais alpinists è vegnida ier venderdi enturn las 9:00 sut il Piz Russein en ina lavina da ruttiva. La gruppa è partida da la chamona Planura, ha passà il pass dal Sand e vuleva ir sin il Piz Russein, pia il Tödi grischun, sur la flanca sid-vest. Curt sut il piz, sin in'autezza da 3'100 meters sur mar, han els deponì ils skis per ir a pe ils davos meters sin il spitg. Sur els è ina lavina rutta ora. Ella ha tschiffà dus dad els e runà els 1'000 meters d'ina spunda taissa e grippusa giuadora e sepulì els.
Tenor la polizia èn dus alpinists, in um da 29 onns ed in um da 31 onns, anc morts al lieu. Il terz è mitschà e n'è betg vegnì blessà. El è vegnì sgulà cun la Rega en segirezza.
audio
Tadlar las novitads da las 09:00
ord RTR Audio dals 15.05.2021.
laschar ir. Durada: 2 minutas 18 Secundas.