Siglir tar il cuntegn

Header

video
Chiara Solèr – in grond talent da mountainbike
Or da Giuventetgna dals 08.08.2020.
laschar ir. Durada: 1 minuta 48 Secundas.
cuntegn

«Tes vitg – tia istorgia» «Lumbrein è simplamain insatge spezial»

Ella è in dals gronds talents da mountainbike en Svizra. Chiara Solèr, la giuvna da 15 onns che viva a Lumbrein. Viver en val Lumnezia saja da principi in avantatg, dentant magari tuttina era in dischavantatg.

Chiara Solèr viva gugent a Lumbrein, era perquai ch’ella vegn da cumbinar bain il lieu cun sia passiun.

Ins enconuscha tuts, perquai ch’i n’è betg in grond vitg. Jau na savess betg s’imaginar d’abitar en ina citad. Jau poss mintga di ir cun velo sin differentas vias en muntogna.
Autur: Chiara Solèr talent da mountainbike

Natiralmain datti era in dischavantatg da viver a Lumbrein. Las cursas èn per il pli lunsch davent, uschia ch’ins sto ir ditg cun auto. Dentant sustegn la famiglia da Chiara Solèr la giuvna sportista cumplettamain. Uschia han ils geniturs cumprà ina rulotta per accumpagnar la feglia a las cursas.

audio
«Tes vitg – tia istorgia»: Chiara Solér è in talent da mountainbike
ord Actualitad dals 07.08.2020.
laschar ir. Durada: 1 minuta 42 Secundas.

Recept da success

La giuvna sportista è loscha sin ses success. Mai avess ella imaginà da pudair far ina tala carriera. Ella giaja simplamain gugent cun mountainbike, quai saja era impurtant per daventar buna.

Cuppa mundiala

Per il futur giavischa Chiara Solèr da chattar ina plazza e pudair trenar vinavant ses sport preferì, uschia ch’ella daventia anc meglra e possia sa participar a cursas da la cuppa mundiala, uschia en 5-6 onns.

Artitgels legids il pli savens