En vista als custs ha il cussegl d'administraziun da la PUNTREIS Center da sanadad SA decidì da serrar definitivamain questa chasa da tgira ils 30 d'avrigl 2017. I na saja pussaivel da curclar ils custs d’ina chasa da tgira cun 17 letgs, scriva il president dal cussegl d'administraziun Peter Binz. L’administraziun sa gidia da chattar ina dimora per las cussadentas ed ils cussadents, ed era da chattar ina nova plazza per ils collavuraturs. Entant offrescha la Tgèsa s. Vigeli las chombras per affittaziun, mo senza servetschs da tgira. Cun las entradas supplementaras d'affitaziun possia il deficit vegnir reducì, ha ditg Peter Binz.
Ina reducziun necessaria
La societad PUNTREIS Center da sanadad aveva surpiglià il manaschi da la Tgèsa s. Vigeli a Sedrun il zercladur 2014. Tenor decisiun dal chantun ha la regiun da Sursassiala dabun 58 letgs da tgira, a Mustér ha PUNTREIS 55 letgs. Pli baud aveva la regiun anc il dretg da 72 letgs.