Siglir tar il cuntegn

Header

In maun che tegn in bel murachel
Legenda: San ins magliar quest bulieu? Ils controlladers dattan gugent resposta. RTR, L. Livers
cuntegn

Surselva Tgi paja la controlla da bulieus ?

Igl onn da bulieus 2016 na ha anc betg entschet e tuttina es el gia in tema. La controlla da bulieus en Surselva, che vegniva finanziada dals cumins da la Foppa, Lumnezia e dal cumin da Rueun, na dat i betg pli.

Davart dal chantun ha il chemicher chantunal Matthias Beckmann menziunà che i na dettia dapi igl onn 1995 nagin sforz da porscher da quellas controllas da bulieus. Las controllas fissan dentant da beneventar perquai ch'ils controlladers giaudan ina buna scolaziun tar la VAPKO (schweizerische Vereinigung amtliche Pilzkontrollorgane), l'uniun che scolescha ils controlladers.

En curt vegn i a sa mussar, sche la Surselva sa porscher vinavant la controlla da bulieus.

Ina cuppa plain bulieus mellens
Legenda: Per tgi che enconuscha, dess i bler dapli che mo il bulieus mellens. RTR, L. Livers

La lavur dil controllader da bulieus è, sco quai che Egmund Heisch in dals controlladers declera, ina purschida al giast, pia savess era il turissem surpigliar ils custs.

Claudia Meyer, la manadra dal biro da Surselva turissem a Glion, ha manegià sin dumonda da RTR, che els sajan interessads che quella purschida restia. Co els sappian porscher maun saja dentant anc betg cler. Sin la pagina d'internet da Surselva turissem è la purschida da las controlla da bulieus mintgamai menziunada durant la stagiun da bulieus.

Igl appel dals controlladers sez è clers. I dovra in purtader per questa purschida, uschigliò svanescha ella.

RR Actualitad bunura 06:00

Artitgels legids il pli savens

Scrollar a sanestra Scrollar a dretga