Gia mo pertgas da pestga datti en x variantas – lungas e curtas, flexiblas e pli diras – per tut ils stils da pestga datti ina pertga speziala, e quai aunc en differentas variaziuns. Urban Carigiet da la fatschenta «Michel sport da muntogna» a Trun cusseglia per principiants ina pertga da telescop. Cun ina tala saja pussibel da pestgar en flums sco era en lais.
Dapli cullaneras è meglier
Tar ils mulins da pestga cusseglia Urban Carigiet in mulin intermediar. Impurtant saja il dumber da cullaneras en il mulin. Dapli cullaneras e pli fin ch'il mulin giaja. In principiant na sentia dentant betg ina gronda differenza, uschia ch'in mulin intermediar bastia. Quel haja ina buna qualitad e na custia betg memia bler.
Pestgar en flums e rimnar experientscha
Principiants duajan era entschaiver a pestgar en flums. Quai saja bler pli grev che pestgar en lais, il pestgader fetschia dentant pli gronds progress. E la finala saja l'experientscha d'in pestgader anc adina il pli impurtant per avair success.
RR actualitad 17:00
