Siglir tar il cuntegn

Header

cuntegn

Total local Midada da structura tar Sedrun Mustér Turissem

A partir dal schaner 2020 mida l’uniun da Sedrun Mustér Turissem SMT sias structuras. La maioritad da las aczias da la nova societad han las vischnancas da Mustér e Tujetsch.

Vischnancas portan responsabladad

I saja uss il mument da midar l’uniun en ina societad d’aczias, di il president da vischnanca da Mustér Robert Cajacob. Las duas vischnancas da Mustér e Tujetsch portan la responsabladad, Sedrun Mustér Turissem tutga tar ellas.

Nus avain da controllar las finanzas. Las taxas turisticas èn daners da taglia.

Avantatgs vers ina uniun ed ina GmbH

Ina societad d’aczias haja differents avantatgs vers ina uniun ed ina GmbH (societad cun responsabladad limitada), di il president communal da Tujetsch Beat Roeschlin. En ina radunanza da l’uniun pudessan ils commembers decider encunter las vischnancas, perquai ch’in president vala sco singul commember. En ina GmbH saja il chpital repartì ina giada e quel na possian ins betg reparter pli. Ina societad d’aczias sajan era pli averta per collavurar en l’avegnir cun autras destinaziuns turisticas, cun vischnancas ubain cun pendicularas. Vul dir: I dovra in’organisaziun cun structuras flexiblas.

La finamira saja d’avair ina fermq posiziun en il turissem.

Cussegl d'administraziun cun 7 persunas

En il cussegl d’administraziun da la Sedrun Mustér Turissem SA èn 7 persunas. Las duas vischnancas da Mustér e Tujetsch pon trametter mintgamai dus represchentants, las pendicularas in, la gastronomia ubain las uniuns da commerzi in ed ils possessurs dad abitaziuns secundaras in.

Simona Barmettler resta manadra da fatschenta da la futura Sedrun Mustér Turissem SA.

audio
Mezdi: Sedrun Mustér Turissem: structuras societad acziunara
ord Actualitad dals 19.12.2019.
laschar ir. Durada: 2 minutas 21 Secundas.

RTR actualitad 11:45

Artitgels legids il pli savens