Siglir tar il cuntegn
Inhalt

Surselva Trais da Trun tar la Guardia svizra papala

Carlo Pfister è gia dapi 7 onns en uffizi tar la Guardia svizra papala ed enconuscha il Vatican fitg bain. El sa legra da pudair beneventar Silvan Wolf e Maurizio Cavelti a Roma. Uss dettia quai ina pitschna famiglia rumantscha en la citad eterna.

Drei Männer bei der Schweizergarde
Legenda: RTR, Paula Nay

Carlo Pfister sa regorda anc bain da ses emprim di tar la guardia. Tut saja nov ed ins na sappia betg precis tge che spetgia. Il tip ch'el po dar als dus novizs: «Dar mintga di ses meglier e na betg perder il curaschi sche insatge na va betg tenor plan.»

Legende: Video Carlo Pfister tar la Guardia papala abspielen. Laufzeit 00:46 Minuten.
Or da RTR dals 02.11.2018.

Sco ina famiglia

«In pau patria è puspè unida a Roma», di Carlo Pfister. El ha discurrì cun Silvan Wolf avant ch'el prendia la decisiun da daventar gardist e raquintà ad el da sias experientschas. Quai haja gì ina gronda influenza sin el, di Silvan Wolf. Era Maurizio Cavelti è cuntent d'enconuscher insatgi che discurra rumantsch e sa gidar sch'i vess da dar difficultads.

In di che ha midà bler

Silvan Wolf s'interessescha gia daditg per la Guardia svizra papala. El ha fatg l'emprendissadi da vendider ed ha uss decidì da far insatge tut nov. Ils Cuntrasts han accumpagnà il giuven da Trun fin en il Vatican. Il pled che croda il pli savens: «Wow!»

Legende: Video Silvan Wolf tar la Guardia Papala abspielen. Laufzeit 05:46 Minuten.
Or da Actualitad video dals 25.10.2018.

Dal student al gardist

Maurizio Cavelti ha fatg la matura da sport a Tavau. Avant ch'entschaiver a studegiar, vulevia el anc far insatge auter. Sia finamira è da star trais onns tar la guardia per uschia pudair far l'emprendissadi sco um da segirtad. Prender cumià da la famiglia per in lung temp n'è betg stà uschè simpel. Arrivà en il Vatican sto el constatar: «Mias spetgas èn vegnidas surpassadas.»

RR actualitad