Siglir tar il cuntegn

Header

cuntegn

Tranter Laax e Schluein Duas dunnas blessadas tar in accident da traffic

Sin la via tranter Laax e Schluein hai dà ier saira, curt suenter las 20:30 uras in accident da traffic. Duas dunnas èn sa blessadas lev. Quai ha communitgà la Polizia chantunala.

Ellas eran sin via en direcziun Glion. En ina curva betg survesaivla è lur vehichel vegnì sin il vial oppost, glischnà sur la via ora e silsuenter cupitgà radund 60 meters d'in prà taiss giuadora.

Il servetsch da salvament Surselva ha transportà las dunnas lev blessadas en l'ospital a Glion. Il vehichel ha in donn total. Pervi da las lavurs da rumir hai dà durant duas uras impediments dal traffic.

Foti
Legenda: L'accident è capità venderdi saira, curt suenter las 20:30 uras. MAD
audio
Per tadlar: las novitads da las 12:00
ord RTR Audio dals 14.01.2023.
laschar ir. Durada: 4 minutas 52 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga