Siglir tar il cuntegn

Header

cuntegn

Tranter Laax e Trun Repower surpiglia lingias d'electricitad da la Axpo

La Repower surpiglia en Surselva 25 kilometers lingias d'electricitad da l'Axpo Hydro Surselva. Quai communitgeschan las duas interpresas. Fin uss avevan omaduas interpresas agens sistems da raits da 60 kilovolt en Surselva.

Da nov tanscha il sistem da raits da l'Axpo davent da Laax Staderas da la Val engiu e quel da la Repower davent da Laax Staderas da la val ensi . Uschia daventian la gestiun, il mantegniment e las investiziuns en las raits pli effizients ed economics. Plinavant vegnian meglieradas la capacitad da la rait electrica e la segirezza da provediment da l'entira regiun.

Allontanaziun da la rait da 60 kV

En connex cun questa fatschenta planisescha l'Axpo Hydro Surselva plinavant, da prender ord funcziun e d'allontanar ils proxims onns sias raits da 60 kV pli veglias tranter Trun e Sumvitg.

RTR novitads 09:00

Artitgels legids il pli savens

Scrollar a sanestra Scrollar a dretga