Il grev accident sin la punt sur la Val Mulinaun ha chaschuna in mortori. Sco quai che la Polizia chantunala communitgescha, sajan dus autos collidads frontal. L'accident è capità la sonda curt avant las 16.00. Il manischunz ch'era sin viadi envers Trun e sia passagiera èn vegnì blessads grevamain e sgulads cun la Rega en l'ospital. Il manischunz è mort la saira en l'ospital a consequenza da sias grevas blessuras. Ils passagiers en l'auto che charrava en direcziun Mustér, sajan vegnids blessads levamain.
![Fotografia da l'accident.](https://www.rtr.ch/static/cms/images/960w/263cd2.jpg)
Trais accidents da moto aifer duas uras
Enturn mezdi hai dà trais accidents da traffic cun motociclists.
A Schiers è in motociclist cun passagiera curt avant mezdi vegnì en ina collisiun cun in auto, nua che omadus èn crudads. Suenter in tractament ambulant han omadus puspè pudì bandunar il ospital a Schiers.
Da viadi aval da Breil a Dardin è ina motociclista collidada las 12:15 cun in mir da sustegn. Cun blessuras levas è ella vegnida transportada cun il servetsch da salvament Surselva en il ospital a Glion.
Sin la vart sid dal Pass da Flüela ha las 13:30 in auto cun char annex surpassà in velocipedist. In motociclist è sinaquai collidà cun il char annex e crudà. El è vegnì transportà cun blessuras mezgrevas en il ospital a Scuol.
![Accident sin il Pass dal Flüela.](https://www.rtr.ch/static/cms/images/960w/388b2a.jpg)