Il traject da la viafier tranter Andermatt e Sedrun è vegnì bloccà d'ina lavina. In tren da la Matterhorn Gotthard Bahn è charrà en la naiv sin las rodaglias. Sa blessà na saja nagin, ha confermà in pledader da la viafier sin dumonda da l'Agentura da novitads svizra. Il tren è charrà en la naiv ordaifer d'ina gallaria. Sch'i haja dà donns vi dal tren n'ha il pledader betg pudì dir.
RR novitads 15:00